Өргөдөл хүлээн авах тухай

Өргөдөл хүлээн авах тухай

Бодлого боловсруулах түвшинд залуучуудын оролцоог нэмэгдүүлэх чиглэлээр сургалт, хакатон, цахим кампанит ажил өрнүүлэх үйл ажиллагаанд өргөдөл хүлээн авах тухай

Дойче Велле Академи нь Хэвлэл Мэдээллийн Зөвлөл (ХМЗ)-тэй хамтран бодлого боловсруулах түвшинд залуучуудын оролцоог нэмэгдүүлэх чиглэлээр сургалт, хакатон, цахим кампанит ажил өрнүүлэх үйл ажиллагааг хэрэгжүүлэх мэргэжилтнүүдийг өргөдөл гаргахыг урьж байна. Энэхүү үйл ажиллагаанууд нь Европын Холбооны дэмжлэгтэйгээр хэрэгжиж буй “Өөрчлөлтийн дуу хоолой” төслийн нэг хэсэг юм. Энэхүү төсөл нь иргэний нийгмийн байгууллагуудын эгэх хариуцлагыг нэмэгдүүлэх, иргэний нийгмийн хараат бус байдал, засаглалын сайн туршлагыг дэмжих, олон нийтийн мэдээллийн оролцоог сайжруулах зорилготой.

Тухайн сэдэв, үйл ажиллагааны чиглэлээр мэргэшсэн мэргэжилтнүүдийг дараах үйл ажиллагаануудад тус бүрд нь эсвэл хоёрт нь эсвэл гуравт нь хамтад нь өргөдөл гаргахыг урьж байна:

  • Үйл ажиллагаа 1: Бодлого боловсруулах түвшинд залуучуудын оролцоог хангах хөтөлбөр боловсруулах сургалт, менторшип

  • Үйл ажиллагаа 2: Залуучуудын оролцоо, нөлөөллийг нэмэгдүүлэх шийдлийг эрэлхийлэх хакатон

  • Үйл ажиллагаа 3: Бодлого боловсруулах түвшинд залуучуудын дуу хоолойг хүргэх цахим кампанит ажил

Үйл ажиллагаа тус бүрийн тухай дэлгэрэнгүй мэдээлэл, мөн өргөдөл илгээх хугацаа зэрэг мэдээллийг дараах холбоосоор үзнэ үү. Өргөдөлдөө аль үйл ажиллагаанд өргөдөл гаргаж байгаагаа тодорхой дурдах ба өргөдлийг англи хэлээр нэг pdf файл болгон 2025 оны 4-р сарын 24-ний дотор dw-akademie.mongolia@dw.com хаяг руу “Voices for Change” - Expert for youth-related activities гэсэн гарчигтайгаар илгээнэ үү. 

//resource4.sodonsolution.org/mediacouncil/File/2025/04/03/0mr1bgeaxaz88z4o/DW Akademie Call for Application - Youth Experts for EU Project.pdf

АНХААРУУЛГА: Уншигчдын бичсэн сэтгэгдэлд www.mediacouncil.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.