Монголын Хэвлэл Мэдээллийн Зөвлөл, DW Akademie-тай хамтран Ёс зүйн зөвлөлийн гишүүдэд зориулсан "Гомдол хэлэлцэх, шийдвэрлэх ажиллагаа" сургалтыг 2017 оны 6 дугаар сарын 10-11-нд Тэрэлжийн байгалийн үзэсгэлэнт цогцолборт зохион байгууллаа. Уг сургалтад Радио телевиз болон сонин, сэтгүүл, сайтын Ёс зүйн хорооны 20 орчим гишүүн оролцож, ХМЗ-д иргэдээс ирүүлсэн гомдлуудыг кейсээр ашиглан тухайн сэтгүүл зүйн бүтээл нь Хэвлэл мэдээллийн ёс зүйн зарчим зөрчсөн эсэх тухай хэлэлцлээ. Энэ удаагийн сургалтын зочин багшаар ХНБГУ-ын Хэвлэлийн зөвлөлийн гишүүн Манфред Протце ажилласан юм.