Хэвлэл мэдээллийн зөвлөлийн Радио, телевизийн ёс зүйн хорооны нэг гишүүнийг олон нийтийн төлөөллөөс сонгох нээлттэй цахим бүртгэлийг гуравдугаар сарын 15-нд хаалаа. Ёс зүйн хорооны гишүүн нь хэвлэлийн эрх чөлөөг бэхжүүлэх, хэвлэл мэдээллийн хариуцлагыг дээшлүүлэх хүрээнд ХМЗ-ийн дүрмийн дагуу зургаан жилийн хугацаатай сайн дураар ажилладаг.

Хэвлэл мэдээллийн зөвлөлийн Удирдах зөвлөлийн 2019 оны гуравдугаар хурлын шийдвэрийн дагуу тус байгууллагын 2017-2018 оны санхүүгийн үйл ажиллагаанд хөндлөнгийн аудитын дүгнэлт хийлгэлээ. Аудитын ажил гүйцэтгэхээр саналаа ирүүлсэн байгууллагуудаас ажлын чанар, туршлагыг нь харгалзан Голден Пэйж Аудит ХХК-г сонгож хийлгэх шийдвэрийг ч мөн дээрх хурлаас гаргасан юм.

Хэвлэл мэдээллийн зөвлөл нь 2015 онд байгуулагдсан бөгөөд хариуцлагатай, чөлөөт хэвлэл мэдээллийг дэмжих, сэтгүүл зүйн салбарт ёс зүйн болон мэргэжлийн стандартыг хөгжүүлэх, сэтгүүлчдийн хараат бус байх эрхийг хамгаалах зорилгын дор үйл ажиллагаагаа явуулж байна.

Хэвлэл мэдээллийн зөвлөлөөс “Ардчилал таймс” сонины редакцийнхантай өглөөний уулзалт хийлээ. Уулзалтын үеэр тус сонины сэтгүүлчид ХМЗ-ийн үйл ажиллагаатай танилцаж, мөн сэтгүүлчдийн өдөр тутмын амьдралд тохиолдож буй бэрхшээлүүдээс хуваалцлаа. Сэтгүүлчид “Мэдээллийн эх сурвалжаа чандлан хамгаална” хэмээн ёс зүйн зарчимд тусгасан хэдий ч шүүх, цагдаагаас сэтгүүлчийг эх сурвалжаа илчлэхийг шаарддаг, гэтэл ОНРТ-ийн сэтгүүлчдээс бусад нь энэ тал дээр эрх зүйн хамгаалалтгүй байна, сэтгүүл зүйн бүтээл дэх ёс зүйн асуудлыг Зөрчлийн хуулиар бус салбарын өөрийн зохицуулалтын байгууллагаар шийдвэрлэх нь зүйтэй зэрэг асуудлаар санал солилцлоо. 

Хэвлэл мэдээллийн зөвлөлөөс Глоб интернешнл төв, Монголын хуульчдын холбоотой хамтран “Хэвлэл мэдээллийн эрх зүйгээр мэргэшсэн сургагч багш бэлтгэх” сургалтыг 2019 оны 12 дугаар сарын 19, 20-ны өдрүүдэд зохион байгууллаа.

Хэвлэл мэдээллийн зөвлөлөөс Авлигатай тэмцэх газартай хамтран “Эрэн сурвалжлах сэтгүүл зүй, сэтгүүлчийн аюулгүй байдлыг хангах нь” сэдэвт нэг өдрийн сургалтыг 2019 оны 11 дүгээр сарын 22-ны өдөр зохион байгууллаа.

Сэтгүүл зүйн ёс зүйн форум 2017 онд “Ёс зүй ба Эрх зүй”, 2018 онд “Дижитал эрин үеийн   мэргэжлийн   сэтгүүл   зүй”   сэдвийн   хүрээнд   болж   байсан   бол   энэ   жил “Хэвлэлийн эрх чөлөө – Дижитал хувьсал” сэдвийн хүрээнд боллоо.

“Улстөрч агентлаг” өдөр тутмын үйл ажиллагаандаа мэргэжлийн ёс зүйгээ баримтлан ажиллахаа мэдэгдэж Хэвлэл мэдээллийн зөвлөлд нийтлэлийн бодлого, дотооддоо мөрдөн ажилладаг ёс зүйн дүрмээ танилцууллаа.

Монголын Сайтын холбооноос Монголын Сэтгүүлчдийн нэгдсэн эвлэл, Хэвлэл мэдээллийн зөвлөл, МУИС-ийн Сэтгүүл зүйн тэнхим, ХУИС-ийн Сэтгүүл зүйн тэнхимтэй хамтран “Цахим сэтгүүл зүй ба мэргэжлийн ёс зүй” сургалтыг өнөөдөр зохион байгууллаа.

хэвлэл мэдээллийн өөрийн зохицуулалт, ёс зүй, өргөдөл гомдол шийдвэрлэх үйл явцад сургаж, дадлагажуулах ажлыг сүүлийн таван жилд тогтмол хэрэгжүүлж байна.

Монголын сэтгүүл зүйн их, дээд сургуулийн сэтгүүл зүйн ёс зүйн хичээлийн хөтөлбөрийг олон улсын жишигт хүргэх зорилго бүхий тус сургалтын үеэр мэргэжлийн багш нар хоорондоо заах аргын хувьд туршлага солилцсон нь онцлог байв.

Технологийн эрин үед датаг хэн эзэмшиж, хэрхэн хамгаалж байна. Хэвлэл мэдээлэл тогтвортойгоор оршин тогтнохын тулд санхүүжилтын ямар шинэ хэлбэрүүдийг эрэлхийлж байна.

Хэвлэл мэдээллийн зөвлөл байгуулагдсан цагаасаа эхлэн хэвлэл мэдээллийн эвсэл холбоод, редакц, сэтгүүлчид, сэтгүүл зүйн оюутнууд, бусад төрийн болон төрийн бус байгууллагуудад зориулсан сургалт, уулзалт, хэлэлцүүлгийг зохион байгуулсаар ирсэн. Энэ удаад МҮОНР-ийн мэдээ, нэвтрүүлгийн албаныханд хэвлэл мэдээллийн ёс зүйн зарчим болон салбарын өөрийн зохицуулалтын байгууллагын үр дүнгийн талаар танилцуулга хийлээ.

Өнгөрсөн 4 дүгээр сарын сүүлийн долоо хоногт Хэвлэл мэдээллийн зөвлөлийн бүх гишүүдийн хоёр өдрийн сургалт, хэлэлцүүлэг болж хэвлэл мэдээллийн ёс зүйн зарчимд нэмэлт өөрчлөлт оруулах шийдвэр гаргав. Ингэснээр Хэвлэл мэдээллийн ёс зүйн зарчим 10 заалттай болж байгаа юм. Ёс зүйн зарчим 10. Хэвлэл мэдээлэл нь сонгуулийн санал хураалтаас өмнө буруутгагдсан этгээдийг тайлбар хийх боломжгүй хугацаанд нэр дэвшигчийн талаар мэдээлэл түгээхээс зайлсхийнэ хэмээн тусгав.

Дэлхийн хэвлэлийн эрх чөлөөний өдрийг тохиолдуулан Глоб интернэшнл төвөөс зохион байгуулсан “Ардчиллын төлөө хэвлэл мэдээлэл: Хуурамч мэдээллийн үе дэх сонгууль ба сэтгүүл зүй” сэдэвт хэлэлцүүлгээр хэвлэл мэдээллийн салбарынхан санал солилцлоо. Энэ үеэр Хэвлэл мэдээллийн зөвлөл, Глоб интернэшнл төвөөс Сэтгүүлчдийн аюулгүй байдлын мониторингийг танилцуулсан юм.

Цахим сүлжээнд үнэн, худал нь үл мэдэгдэх мэдээллүүд ихээр түгэх болсон энэ  үед сэтгүүл зүйн салбар үүний эсрэг хэрхэн ажиллах шаардлагатай байна вэ, ялангуяа сонгууль дөхөж буй энэ цагт сэтгүүлчид, хэвлэл мэдээллийн байгууллагууд юуг анхаарвал зохих вэ, мэдээллийн үнэн бодит эсэхийг хэрхэн нягталж шалгах вэ зэрэг хэд хэдэн сэдвийн хүрээнд Хэвлэл мэдээллийн зөвлөл, Фредрих Эбертийн сан, Глоб Интернэшнл ТББ, Нээлттэй нийгэм форум хамтран “Хуурамч мэдээллийн үе дэх сэтгүүл зүй ба сонгууль” хэлэлцүүлгийг 5 дугаар сарын 1-ний өдөр зохион байгууллаа.

Хэвлэл мэдээллийн зөвлөлөөс Монгол телевизийн хүсэлтээр мэдээний албаны сэтгүүлч, уран бүтээлчдэд хэвлэл мэдээллийн ёс зүйн зарчмын талаар сургалт хийлээ. Сургалтын үеэр “Сэтгүүлчийн ёс зүй”, “Хэвлэл мэдээллийн өөрийн зохицуулалтын туршлага, сургамж” сэдвүүдийг хөндсөн юм.

“Нийгмийн сүлжээ ба зохистой хэрэглээ-2019” форум боллоо.

Хэвлэл мэдээллийн зөвлөл өнөөдөр Хүмүүнлэгийн ухааны их сургуулийн Сэтгүүл зүйн ангийн оюутнуудад “Хэвлэл мэдээллийн өөрийн зохицуулалт” сэдэвт сургалт хийлээ.

Хэвлэл мэдээллийн зөвлөлөөс Авилгатай тэмцэх үндэсний хөтөлбөрийн хүрээнд “Цахим сэтгүүл зүйн шинэ трэнд - мэргэжлийн ёс зүй” интерактив сургалтыг 2018 оны 11 дүгээр сарын 20-21-нд Авилгатай тэмцэх газартай хамтран зохион байгууллаа.